ਪਹਿਲਾ ਪਿਆਰ
ਫਿਰ ਨਾਂਅ ਲਿਖ ਬੈਠੇ ਸਾਹਾਂ ਤੇ
ਜਿੱਤ ਦੇ ਜਸ਼ਨ ਮਨਾਉਂਦਿਆਂ ਦੇ ਪੱਲੇ ਪੈ ਗਈ ਹਾਰ ਕੁੜੇ
ਸੱਚੀਂ ਭੁੱਲ ਕੇ ਵੀ ਨਹੀਂ ਭੁੱਲਦਾ ਕੀਤਾ ਪਹਿਲਾ ਪਿਆਰ ਕੁੜੇ
ਉਹ ਲੋਕ ਬੜੇ ਕਿਸਮਤ ਵਾਲੇ ਜਿੰਨਾ ਨੂੰ ਮਿਲਜੇ ਯਾਰ ਸੱਚਾ
ਮੋਤੀ ਪੁੰਨ ਕੀਤੇ ਹੋਣੇ ਜੀਹਦੇ ਹਿੱਸੇ ਆ ਗਿਆ ਪਿਆਰ ਸੱਚਾ
ਬਾਕੀ ਜੀਣ ਸਹਾਰੇ ਯਾਦਾਂ ਦੇ ਲੈਂਦੇ ਰੋ ਰੋ ਸਾਰ ਕੁੜੇ
ਸੱਚੀਂ ਭੁੱਲ ਕੇ ਵੀ ਨਹੀਂ ਭੁੱਲਦਾ ਕੀਤਾ ਪਹਿਲਾ ਪਿਆਰ ਕੁੜੇ
ਵਿਸ਼ਵਾਸ ਉੱਠ ਗਿਆ ਦੁਨੀਆਂ ਤੋਂ ਰੱਬ ਵੀ ਆਪਣਾ ਨਹੀਂ ਲਗਦਾ
ਸੁਪਨਾਂ ਹੀ ਟੁੱਟ ਗਿਆ ਮਿਲਣ ਦਾ ਜੋ ਸੀ ਆਸ ਦਾ ਦੀਵਾ ਜਗਦਾ
ਕੁਲਵਿੰਦਰ ਪੈ ਕੇ ਇਸ਼ਕ ਚ ਖੋ ਲਏ ਸਾਰੇ ਯਾਰ ਕੁੜੇ
ਸੱਚੀਂ ਭੁੱਲ ਕੇ ਵੀ ਨਹੀਂ ਭੁੱਲਦਾ ਕੀਤਾ ਪਹਿਲਾ ਪਿਆਰ ਕੁੜੇ