ਸਾਹਾਂ ਦਾ ਮਹਿਰਮ
ਸਾਹਾਂ ਦਾ ਮਹਿਰਮ ਤੂੰ ਚੰਨਾ, ਜੀਅ ਸਕਦੀ ਨਾ ਬਿਨ ਤੇਰੇ ਤੋਂ
ਜਿੰਦ ਨਾ ਤੇਰੇ ਲਿਖਵਾ ਦਿੱਤੀ, ਦੱਸ ਚਾਹਵੇਂ ਹੋਰ ਕੀ ਮੇਰੇ ਤੋਂ
ਨਾ ਪਲ ਵੀ ਯਾਦ ਦੀ ਲੜੀ ਟੁੱਟੇ, ਨਾ ਕਰ ਸਕਾਂ ਪਰੇ ਜੇਰੇ ਤੋਂ
ਤੂੰ ਹੀ ਏਂ ਸੂਰਜ ਚੰਨ ਮੇਰਾ, ਬੜਾ ਡਰਾਂ ਜੁਦਾਈ ਹਨੇਰੇ ਤੋਂ
ਮੈਂ ਸਦਾ ਹਾਂ ਤੇਰੀ ਬਣ ਰਹਿਣਾਂ, ਜਾਂਵਾ ਦੂਰ ਨਾ ਤੇਰੇ ਡੇਰੇ ਤੋਂ
ਚਾਹਵੇਂ ਤੂੰ ਵੀ ਮੈਂਨੂੰ ਵੱਧ ਜਾਨੋਂ, ਪੜ੍ਹ ਲਵਾਂ ਮੈਂ ਤੇਰੇ ਚੇਹਰੇ ਤੋਂ
ਜਿੱਥੇ ਆਖ ਦੇਵੇਂ ਓਥੇ ਖੜ ਜਾਵਾਂ, ਹਿੱਲਾਂ ਰਤਾ ਨਾ ਤੇਰੇ ਘੇਰੇ ਤੋਂ
ਉਸ ਦਿਨ ਦੀ ਰਹਿਣੀਂ ਉਡੀਕ ਮੈਨੂੰ, ਤੱਕਾਂ ਮੁੱਖ ਤੇਰਾ ਤੇਰੇ ਸ਼ੇਹਰੇ ਚੋਂ
ਉਮਰਾਂ ਲਈ ਜੋੜੇ ਜੋ ਨਾਲ ਤੇਰੇ, ਸਕਦੇ ਜਾਂਵਾ ਓਸ ਫੇਰੇ ਤੋਂ
ਜੀਵਾਂ ਮਰਾਂ ਮੈਂ ਨਾਲ ਤੇਰੇ, ਐਸਾ ਵਰ ਲਵਾਂ ਗੁਰੂ ਕਿਹੜੇ ਤੋਂ