Singh-Kulwinder

ਸਰਟ ਮੇਰੀ ਜਦ ਕੀਲੀਂਓ ਚੁੱਕੀਸੋਚਾਂ ਦੇ ਵਿੱਚ ਖੋਂਦੀ ਹੋਉ
ਸਾਰਾ ਦਿਨ ਹੁਣ ਖਿੱਚ ਧੂ ਹੋਣੀ
ਇਹ ਸਭ ਕਹਿ ਕੇ ਰੋਂਦੀ ਹੋਉ

ਪੈਂਟ ਦੇ ਵੱਲ ਮੈਂ ਜਦ ਸੀ ਤੱਕਿਆ
ਕਹਿੰਦੀ ਜੀਣ ਚ ਕੀ ਐ ਰੱਖਿਆ
ਜਦ ਦੀ ਲਿਆਂਦੀ ਰੱਖਦਾ ਪਾਈ
ਕਦੀ ਨਾ ਬੈਠਣ ਲੱਗੇ ਤੱਕਿਆ

ਕਿਤਾਬ ਮੇਰੀ ਵੀ ਗੁੱਸੇ ਜਾਪੇ
ਪੜ੍ਹਦਾ ਨਹੀਂ ਮੈਂਨੂੰ ਕਿਸੇ ਦੇ ਆਖੇ
ਖੋਲ ਕੇ ਰੋਜ਼ ਹੀ ਸੌਂ ਜਾਂਦਾ ਏ
ਜਾਂ ਫਿਰ ਇੱਧਰ ਓਧਰ ਝਾਕੇ

ਪੈੱਨ ਦਾ ਜਦ ਮੈਂ ਹਾਲ ਸੀ ਪੁਛਿਆ
ਉਹ ਵੀ ਹੱਸਦਾ ਹੱਸਦਾ ਰੁਕਿਆ
ਕਹਿੰਦਾ ਜੇਬ ਚ ਟੰਗਣਾ ਜਾਣੇ
3 ਸਾਲ ਤੋਂ ਕਦੇ ਨਾ ਮੁਕਿਆ

ਹੋ ਕੇ ਤਿਆਰ ਮੈਂ ਬਾਈਕ ਕੀ ਚੁੱਕ ਲਈ
ਥੋੜੀ ਦੂਰ ਹੀ ਜਾ ਕੇ ਰੁਕ ਗਈ
ਕਦੇ ਹਵਾ ਨਾ ਸਰਵਿਸ਼ ਹੋਈ
ਧੂੰਏਂ ਦੇ ਨਾਲ ਸਾਰੀ ਫੁਕ ਗਈ