ਯਾਦਾਂ ਦੇ ਵਿੱਚ ਵਸਦੀ ਏ
ਓਹ ਐਨਾਂ ਨੇੜੇ ਆਈ ਕਿਉਂ ਜੇ ਚਲ ਹੀ ਜਾਣਾ ਸੀਕੋਈ ਹੋਰ ਤਰੀਕਾ ਲੱਭਦੀ ਜੇ ਹੰਝੂਆਂ ਵਿੱਚ ਪਾਣਾ ਸੀ
ਅਸੀਂ ਓਹਦੇ ਗਮ ਵਿੱਚ ਪੀਂਦੇ ਓਹ ਦਾਰੂ ਚੋਂ ਹੱਸਦੀ ਏ
ਭੁੱਲਦੀ ਨਹੀਂ ਉਹ ਰੂਹ ਵਾਂਗੂੰ ਯਾਦਾਂ ਦੇ ਵਿੱਚ ਵਸਦੀ ਏ
ਅਸੀਂ ਦੂਰੋਂ ਦੂਰੋਂ ਤੱਕ ਲੈਂਦੇ ਜੇ ਦੁਨੀਆਂ , ਵਿੱਚ ਹੁੰਦੀ
ਹਰ ਰੀਝ ਸਾਡੇ ਸੀਨੇ ਵਿੱਚ ਰਹਿ ਗਈ, ਓਹਦੇ ਲਈ ਗੁੰਦੀ
ਸੁਣੀ ਜਾਂਦੀ ਓਹ ਸਭ ਕੁਝ ਪਰ ਨਾ ਕੁੱਝ ਵੀ ਦੱਸਦੀ ਏ
ਭੁੱਲਦੀ ਨਹੀਂ ਉਹ ਰੂਹ ਵਾਂਗੂੰ ਯਾਦਾਂ ਦੇ ਵਿੱਚ ਵਸਦੀ ਏ
ਕਦੇ ਆਪ ਬੁਲਾ ਲਏ ਆ ਕੇ ਜਿਉਂਦਿਆਂ ਵਿੱਚ ਹੋ ਜਾਂਵਾਗੇ
"ਕੁਲਵਿੰਦਰ" ਉੱਤੇ ਬੀਤੀ ਕੀ ਸੱਚੋ ਸੱਚ ਸੁਣਾਵਾਂਗੇ
ਓਹਨੂੰ ਮਿਲਣ ਦੀ ਖੁਆਇਸ਼ ਦਿਲ ਵਿੱਚ ਅੱਗ ਦੇ ਵਾਂਗੂੰ ਮੱਚਦੀ ਏ
ਭੁੱਲਦੀ ਨਹੀਂ ਉਹ ਰੂਹ ਵਾਂਗੂੰ ਯਾਦਾਂ ਦੇ ਵਿੱਚ ਵਸਦੀ ਏ
ਮੇਰੇ ਦਿਲ ਦੇ ਅਸਲੀ ਅਲਫਾਜ਼ ਤੁਹਡੇ ਦਿਲ ਨੂੰ ਸੂਹਣ ਤਾਂ ਆਪਣਾ ਕਮਿੰਟ ਜਰੂ੍ਰ ਕਰੋ।
ਧੰਨਵਾਦ
ਸਿੰਘ ਕੁਲਵਿੰਦਰ